Көкшетау қаласы № 1 мектеп-гимназиясының оқушылары Ақмола облысының полицейлері мен "Зерделі ұрпақ" қоғамдық қоры бірлесіп ұйымдастырған Әлеуметтік театрға қатысты. Іс-шараның мақсаты -- театрландырылған қойылым арқылы жасөспірімдерге есірткіні қолданудың зардаптарын жеткізу, жасөспірімдерде есірткіге тәуелділіктің пайда болуын алдын алу.

Есірткіге қарсы иммунитетті күшейтуде полицейлер нашақорлықтың алдын алуды іске асырудың дәстүрлі формалары мен әдістерін (мысалы, акциялар, дәрістер, семинарлар, кездесулер, конкурстар, спорттық іс-шаралар және т.б.) пайдаланады, сонымен қатар жасөспірімдердің санасына және олардың проблеманы қабылдауына тиімді әсер ететін іс-шаралардың жаңа форматтарын енгізеді.
Жастармен жұмыс істеудің осындай тиімді интерактивті эмоционалды әдістерінің бірі -- әлеуметтік театр.
9-11 сынып оқушыларының алдында сценарийді өздері жазып, аудиторияға есірткі қолдану проблемасына байланысты қойылымды көрсеткен сол өздері секілді оқушылар.
Актерлердің қойылымынан кейін көрермен оқушылар қойылымда көтерілген жағдай туралы өз пікірлерін білдіріп, мәселеден шығудың жолын ұсына отырып, қойылымды өздері аяқтау үшін сахнаға шығып өнер көрсетті. 
Кейін Ақмола облысы ПД есірткі қылмысына қарсы іс-қимыл басқармасының аға жедел уәкілі полиция подполковнигі Разия  Курсанова есірткінің заңсыз айналымының құқықтық салдары туралы айтып берді.